Davao City – Sikop ang mag-amahang drug den maintainer ug laing duha pa ka indibidwal atol sa gilusad nga drug buy bust operation sa Philippine Drug Enforcement Agency (PDEA) XI kauban ang Davao Oriental Provincial Office ug ang pwersa sa Lupon Municipal Police Station pasado alas 9 sa gabii, September 22, 2023 sa Panuncialman Street, Barangay Poblacion, Lupon, Davao Oriental.
Sa interview sa DXDC RMN Davao sa Lupon PNP, giila ang suspect nga si Vourgini Setrina alyas Borge, 29, minyo, drug den maintainer ug ang amahan niining si Ronald Allan.
Sa samang operasyon, napuhag sab and shabu session sa duha ka mga drug den visitors nga sila Reymundo Torrente ug Casimero Urgel.
Nasakmit sa awtoridad ang 18 ka pakete sa gidudahang shabu nga mutimbang kapin kung kulang 16 grams nga gibana-banaang mukantidad ngadto sa P105, 000, ang marijuana nga anaa sa P1,000, nagkalain-laing drug paraphernalia ug ang buy-bust marked money.
Kasong pagsupak sa Republic Act 9165 kun Comprehensive Dangerous Act of 2002 ang atubangon sa mga dinakpan.
RadyoMaN Ivy Parido
Facebook Comments
