Davao City – Narekober gikan sa duha ka mga dalaga ang kapin kun kulang P1M kantidad sa iligal nga droga atol sa gilusad nga buy-bust operation nahitabo sa Carpel’s Pension House, Quirino Avenue, ning syudad sa Davao.
Ang mga dinakpan mao sila si Donesa Bandiola Banzot, 35 anyos, dalaga, wa’y trabaho, ug laing Marilyn Rasonable, 25 anyos, dalaga, wa’y trabaho ug pulos residente sa Purok 7, Santiago, Brgy. Indangan, Davao City.
Sa gipagulang report sa Davao City Police Office (DCPO), adunay reliable confidential informant ang naghatag sa maong impormasyon gani ilang gilusad gilayon ang buy-bust operation nga miresulta sa pagkasikop sa duha ka mga street level traget.
Narekober sa mga dinakpan ang kapin 85 gramos sa iligal nga droga nga nagkantidad sa P1,020,000.
Ang duha muatubang sa kasong kalapasan sa R.A. 9165 kun Comprehensive Dangerous Drugs Act of 2002.
RadyoMaN Jason Amisola
