Davao City – Mokabat sa 3,385, 600.00 millon pesos kantidad sa shabu nakonpiskar sa elemento sa Task Force Davao , Sirawan, Toril , Davao City gikan sa usa ka lalaki sa checkpoint alas 7:30 sa gabii.
Dinakpan giilang Jelovi Saberon Aligarbe, 41 anyos, minyo ug nagpuyo sa Camoning, Kapalong, Davao del Norte, gisikop sa ginsakpan sa TF Davao tungod sa pagdala’g pito(7) ka sachet nga motimbang sa 211.6 grams sa shabu kantidad P3,385,600.00M sakay sa multicab with plate number 121-486840 gikan Digos City padulong syudad sa Davao.
Samtang dakpan usab sa TF Davao Checkpoint, Lasang Davao City ang usa ka Juper Brayan Ramos, 32 anyos, minyo nagpuyo sa Barangay 76-A Bucana, Davao City.
Nakuha kang Ramos ang 1.66 gramos nga shabu kantidad 24, 900.00 pesos.
RadyoMaN Bernard Pantallon
