Davao City – Gibana-banaang mokabot sa kapin 300,000 pesos ang damyos sa sunog sa Purok 1 Exodus, Brgy 8-A, Davao City.
Base kini sa datos nga gipagula sa Bureau of Protection kun BFP Davao diin kahinumduman miulbo ang sunog alas 2:30 sa hapon kagahapon ug nadeklarang fire out alas 5:55 sa hapon.
Subay sa report sa BFP Davao nga upat ka balay ang partially damage, siyam ka balay ang totally damage diin musomada og trise ka balay ang nasunog.
Sumala ni fire inspector Esequil Tabon, chief operation sa Davao City fire district nga nag gikan sa pinuy-anan ni Mr. ug Mrs. Timaho sa pundok residence ang maong sunog.
Dugang ni Tabon nga dunay duha ka menor de edad ang napaso apan daling natambalan sa mirespondeng 911.
Padayon pang gina imbestigahan karon sa BFP ang hinungdan diin pipila sa mga gituuhang rason mao ang charger nga mibuto ug butane.
RadyoMaN Don Pulayao
