Davao City- Mobalor na sa sobra P55 million pesos nga mga illegal items ang naharang sa Task Force Davao sa mga checkpoints syudad sa Davao.
Sumala ni Task Force Davao Commander Col. Darren Comia, resulta kini sa hugot nga pagbantay sa mga personahe sa mga borders.
Gikan Enero hangtod Nobyembre ning tuiga, 153 na ka mga drug couriers ang nadakpan sa TFD ug 1,435.82 grams sa shabu samtang 199.63 grams sa marijuana nga adunay estimated street value nga P22.2M ang nasakmit.
Subay niini, 23 na ka mga suspek ang nadakpan sa pagsulay og pagpalusot og mga smuggled nga mga sigarilyo.
Segun ni Comia, mokantidad sa P33.4M ang kinahon nga mga sigarilyong naharang.
Giturn-over na ang tanang dinakpan sa PNP ug gikasuhan.
RadyoMaN Aimee Guinita
Facebook Comments
