GENERAL SANTOS CITY- Mokabat sa 271 ka mga kahon sa smuggled na sigarilyo nga adunay gibana-bana nga 8.9 milyon pesos na kantidad ang nakumpiska gikan sa Chinese National, nga si Zai Tian Shi niaging gabie pinaagi sa joint operation sa RID 12, RPDEU 12/RSOG, RMFB 12, Police Station 4, GSCPO, ug CMFC, GSCPO.
Ang moang entrapment operation sa smuggled ug counterfeit cigarettes gilusad kini didto sa panimalay sa suspek sa Jerusalem St., Oringo Subd., Brgy. City Heights, General Santos.
Sa official report sa Police Regional Office 12, nakapalit ang poseur buyer og lima ka reams sa Gudang Baru nga sigarilyo sa kantidad nga Php 3000.
Nakumpiska usab sa mga pulis ang cash nga 513,400 pesos ingon man ang upat ka pakete sa gidudahang shabu.
Sa karon, ang Chinese national gikustodiya na sa San Isidro Police Station 4 og mag-atubang sa kasong pagsupak sa RA 10863 (An Act Modernizing the Custom and Tariff Administration), ingon man bayolasyon sa RA 8293 (Intellectual Property Rights), Section 76 of the Tax Reform Acceleration and Inclusion or TRAIN Law (RA 10963) ug sa Section 11 sa RA 9165 (Comprehensive Dangerous Drugs Act).
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 107381915_632867177588477_2909346378225721884_n (1).jpg]
