Kapin sa 100 million-pesos nga balor sa sigarilyo ang nakumpiska kagahapong adlawa pinaagi sa usa ka operation nga gihimo sa Bureau of Internal Revenue, Intellectual Property Rights and the Iligan City Police Office (ICPO).
Armado sa usa ka ‘mission order’ gikan sa BIR Region X, gi raid sa mga operatiba ang duha ka balay sa Isabel Village, Barangay Palao,ning syudad sa Iligan nga gi rentahan sa usa ka Chinese businesman kinsa wala na gipanganlan sa mga police.
Ang mga otoridad gitagbo sa usa ka hamtong nga Pilipina kinsa nagpaila nga usa ka house cook, usa ka Chinese nga lalaki nga nailang si Wang Jian Min, nga nagpaila nga ig-agaw sa maong negosyante,
Sumala ni Alberto Daba, chief revenue officer sa Regional Investigation Division sa BIR-X, nga ang maong operation gihimo human sa usa ka intelligence report gikan sa ICPO operatives nga ang maong balay nga nagsilbing warehouse sa usa ka Chinese businesman, adunay mga peke nga sigarilyo nga sa sulod niini.,
Usa ka gatos ka mga master cases sa Two Moon cigarettes ang nakumpiska sa unang balay nga dunay estimated market value ngs 25 million pesos.
Samtang nagpadayon ang maong inventory, ang tag-iya sa maong balay kinsa mihangyo nga dili na nganlan, miabot ug mihatag ug permiso sa mga otoridad nga maghimo ug pagsusi sa laing balay nga iya usab gipanagiyahan kilid sa unang balay.
Sa ikaduhang balay, 387 ka mga master cases sa nagkadaiyang brands sa sigarilyo ang nakita nga dunay estimated market value nga kapin sa 75 million pesos, apan wala diha ang tag-iya sa maong patigayon.
Si Daba miingon, nga sa pagka kumpiska sa maong mga kaha sa sigarilyo, nalugi ang gobyerno ug 84 million pesos nga excise tax loss revenue.
Ang maong mga sigarilyo, gidala sa kostudiya sa BIR-X sa ilang opisina sa Cagayan de Oro City samtang si Wang gikustudiya sa Iligan City Police Office kun asa mag atubang kini ug kaso sama sa unlawful pursuit of business, failure to file excise tax returns, unlawful possession or removal of articles subject to excise tax without payment of tax ug attempt to defeat or evade excise tax.
*photo by Divina Suson
