Kapin sa 400 ka barangay sa Zamboanga del Sur gilayasan nag mga adik

Zamboanga del Sur – Pinaagi sa sub-sub nga kamada sa kapulisan sa probinsya katimbayayong ang nagkadaiyang ahensya sa gobyerno ug barangay officials nga pulos naningkamot aron mamahimong drug-free ang usa ka dapit mokabat na sa 454 ka barangay sa probinsya ang wala na gayo’y ilegal nga droga.
Sa impormasyon nga gipagula sa Zamboanga del Sur Police Provincial Office nga sa kinatibuk-ang 681 ka mga barangay sa probinsya mokabat sa 628 niini nga kanhi hitak sa ilegal nga droga.
Apan base balidisyon sa Regional Oversight Committee Barangay Drug Clearing Program uban sa mga member-representatives gikan sa Department of the Interior and Local Government, Police Regional Office-9, Department of Health, ug Local Government Unit gideklara nang drug cleared ang 454 ka barangay.
Misumitar na usab sa mga resikitos ang laing 174 ka barangay nga apektado gihapon sa illegal nga droga ug kun makapasar sa makuting berepikasyon possible kini nga opisyal nga ideklara nga drug-cleared.
Gipaningkamotan sa Zamboanga del Sur Police Provincial Office sa pagpanguna ni Police Col. Roel Lami-ing ug sa mga barangay officials daghan pang madugang sa listahan sa drug-cleared barangays.

Facebook Comments