Dipolog City – Giaresto sa Women and Children’s Protection Desk kon (WCPD) sa Dipolog PNP ang magtiayon kinsa maoy suspek sa pagmaltrato sa usa ka batang lalaki kapin sa tuig ang panuigon.
Ang mga dinakpan mao sila Edmarie Amorganda Magsayo (iyaan sa bata) ug Pablito Magsayo, polos hingkod ang edad nga taga Brgy. Sicayab ning dakbayan, kinsa dunay upat ka mga anak og sila sab ang gibinlan sa apohan sa bata.
Sa nakuhang report sa rmn dxdr, naaresto ang duruha sa ilang pagbisita kagabii sulod sa Zanorte. Hospital dihang nasuta sa mga doctor nga maoy nideklarar patay sa bata, aduna kini samad sa walang tampihak, mga paso, pangus og lagum sa nakadaiyang bahin sa lawas, indication nga gidagmalan.
Sa pakighinabi sa rmn news team sa uyoan sa bata nga si Jay-ar nisulti nga ang nahitabo, nagkabuwag na ang mga ginikanan sa maong bata, kon diin ang inahan atoa nanarbaho sa Manila og ang apohan nga si ‘Eddie’ nga taga Brgy. Galas maoy gibinlan apan gumikan sa trabaho sa pagpanagat, ilaha una kining gibilin sa anak nga babaye o silbing iyaan niini sa Brgy. Sicayab aron maatiman.
Gidungan pa niya, kagahapon bandang alas 2:55 sa hapon, nagpahibalo nalang ang gibinlang iyaan nga pila na ka-adlaw naglubog og nagluya na ang maong bata hinungdan giadto-an sa apohan og giadmit sa Zanorte. Hospital, apan bandang alas 8:30 kagabii subo nga nahibal-an namatay kini gumikan sa nahiagoman.
Sa habig usab sa mga dinakpan gipangulipas nila ang resulta sa medico legal, diin sila niinsister nga pina-akan sumala pa sa lamok ang mga lagum sa bata og nagkadiarrhea.
Gumikan niini ipaubos karon sa otopsiya ang patay lawas sa maong bata.
