Nasa kapin sa tunga sa milyon ka pesos ang damyos sa nasunog nga building sa 22nd-8th street, Barangay Nazareth ning syudad pasado alas 10 kagabei.
Ang maong building usa ka dos andanas nga naugdaw sa kalayo.
Nasayran nga wala na makatabok sa ubang building ang kalayo tungod kay adunay firewall, ug distansiya gikan niini ang ubang establisemento.
Samtang Padayon pa ang imbestigasyon sa Bureau of Fire Protection kon B-F-P sa nahitabong sunog kagabei sa Barangay Nazareth ning syudad.
Matud ni FO3 Lazaga nga totally damage nga nasunog ang building ug gibana-banang anaa sa kapin sa 600-thousand pesos ang damyos niini.
Dugang pa ni Lazaga nga nagpuyo sa building ang tag-iya mismo, nga maoy nakasaksi nga nagsugod ang kalayo sa 2nd floor nga bahin padulong sa ubos nga bahin.
