Anaa pa gihapon sa mga evacuation center ang kapin gatus ka mga pamilya nga namakwit tungod sa nahitabong pinusilay tali sa militar ug sa rebeldeng New People’s Army niadtong Hulyo 25, sa Sityo Duwa-duwa, sa Barangay Kalilangan.
Matud pa ni Kalilangan Barangay Chairman Alimoding Mansumayan, kini nga mga pamilya gikan sa duha ka mga sityo sa barangay nga naapektuhan sa nahitabong engkuwentro.
Duha ka mga mosque ug usa ka barangay hall, matud pa, ang temporaryong gipuy-an sa maong mga bakwit tungod sa kahadlok nga madamay sa pinusilay.
Miingon si Mansumayan, nahadlok pa silang mamalik sa ilang mga pinuy-anan tungod sa mga panagsang buto sa armas nga ilang madungog.
Kung kahinumduman nga usa ka sundalo sa 51st Infantry Battalion, Philippine Army ang samara dihang nag-abot ang duha ka grupo, buntag niadtong Huwebes, Hulyo 25, matud pa ni Col. Alex Aduca, deputy commander sa 2nd Mechanized Infantry Brigade.
Naas a dapit ang mga sundalo alang sa ilang Community Support Program o CSP, usa ka programa sa Armed Forces of the Philippines isip suporta sa usa ka komunidad nga gisudlan sa mga rebelde aron mang-recruit.
Divina M. Suson
