Davao City – Walay grupo sa mga batan-on o Gang sa Barangay 8-A, Poblacion, Davao City, subay sa gihimong pagmonitor sa mga Barangay official sa nasampit nga Barangay, human gipatay ang usa ka menor de edad niadtong milabay’ng March 9, 2024.
Sa interview sa DXDC RMN Davao kang Barangay 8-A Brgy. Captain James Abadilla gibutyag niini, posibleng napagan lamang ang biktima tungod sa uyab.
Segun ni Abadilla, walay grupo sa mga batan-on sa iyang Barangay tungod kay ang suspetsado, usa lamang ka dayo ug naggikan sa laing Barangay.
Nagmuntar na og Barangay Police Outpost nga adunay nakaasign nga mga Barangay tanod nga magbantay panahon sa kagabhion, kung asa nahitabo ang brutal nga pagpatay sa biktima.
“Ako lang ginahangyo ang mga ginikanan nga kabalo man nga ing-ana ang ingyong mga anak badlunga ninyo kay kini dili man siguro sala sa atoang mga anak kung gimaayo ninyo pagmatuto og pagpadako sa inyong mga anak”, sulti ni Kapitan Abadilla.
RadyoMaN Don Pulayao
Facebook Comments
