Sa exclusive interview sa DXDC RMN Davao kang Mildred Quizon, guardian sa biktimang si Kevin Karl Buit, 30 anyos taga Poblacion Dos, Bansalan, Davao del Sur, iyahang gisaysay nga samtang naghatud og sapatos ang biktima sa iyahang amigo sa maong barangay, kalit nalang siyang gitulak sa usa ka lalaki ug misinggit og riot, rason nga midagan sab sya aron dili madamay. Apan, nakurat nalang sya nga gibunlot sya sa maong kapitan ug gisumbag sa nawong. Wala sya gipaistorya pa sa aron murason, inay gipusasan siya ug gitamakan pa ang iyahang liog.
“Abusado siya kay naa sa video, (naay niingon nga) ‘Tama na kap. Bisita na ni kuan nila diha, ana.’ Wala sya naminaw. Giingnan pa niya ang nagbadlong sa iyaha kay naluoy ‘Ayaw mo’g apil-apil. Ayaw ko ninyo kuhaig katungod. Kabalo na sya nga iyaha nang giistorya. First time lang siguro nga naay nangreklamo sa iyaha og tinuod,” saysay ni Quizon.
Human sa panghitabo, giingon sa kapitan nga misunderstanding ug mistaken identity lamang matud pa ang nahitabo ug buot kining makig-areglo, rason nga wala kini gidawat sa pamilya tungod sa iyahang grabeng pagkulata sa biktima.
Samtang, andam ang DXDC RMN Davao sa pagpaminaw sa bahin sa gireklamong kapitan.
RadyoMaN Kirby Manzon
