Davao del Sur – Patay ang usa ka Barangay Kapitan human nabangga sa Mini Dump Truck ang gimanehong motorsiklo sa Sitio Budoy, Guihing, Hagonoy Davao del Sur alas 8:30 sa buntag.
Subay sa imbestigasyon sa Hagonoy Municipal Police Station (HMPS), biktima giilang Datu Mardioc Gawan Buat, 68 anyos, usa ka muslim, Barangay Captain ug nagpuyo sa Barangay Aplaya, Hagonoy Davao del Sur.
Sa HMPS Press release, nagmaneho sa iyang Mio Motorcycle si Kapitan Buat padulong sa Barangay Aplaya apan sa pag-abot sa Sitio Baduy sa dihang mi-overtake sa Mini Dump Truck nga gimaneho ni Jesus Placido Dabalos, 65 anyos, ug nagpuyo sa Padada, Davao del Sur, na-slide kini hinungdang mibangga sa rear tire sa truck ug naligsan ang biktima.
Gihatud pa ang Kapitan sa Davao del Sur Provincial Hospital apan gideklarang dead on arrival ni Dr. Herbert Alesna samtang driver sa dump truck gikustodiya sa kapolisan sa Hagonoy, Davao del Sur.
