Pagadian City – Nakaalerto karon mga otoridad sa gimontar nga mga checkpoints ug Compac sa palibot sa dakbayan sa Pagadian aron maharang ang mga suspetsado nga sakay sa usa ka pick-up nga maoy responsable sa pagpusil patay sa kapitan sa Barangay Tiguma niining syudad.
Patay ang bikima nga si Punong Barangay Ali Gampong, 54-anyos, residente sa Zone 2, Brgy. Tiguma, Pagadian.
Sa inisyal nga imbestigasyon nahitabo ang insedente alas 11:38 sa buntag dihang dapita sa National Highway, atubangan sa Gampong Store sa Zone 2, Tiguma, Pagadian City.
Base sa kopya sa Closed-Circuit Television (CCTV) Camera sakay ang wala maila nga (gunman) sa Nissan Navarra (color black) nga walay plaka numero.
Nasayran nga samtang gimaneho ni Kapitan Ali Gampong ang Toyota Vios (color gray) nga dunay plaka numbero KDV709 uban sa iyang higala nga si Allan Cabayaran aron unta pagpa-uli na gikan sa Barangay Hall sa Tiguma apan pag-abot sa lugar kalit nga ni-overtake ang Nissan Navarra ug dihang nakabenta dali nga gipusil ang biktima sa makatulo nga higayon kun asa ang gunman nga sakay sa maong sakyanan human sa pagpamusil dali nga misibat paingon sa Brgy. Bulatok ning syudad.
Nadala pa sa ospital ang kapitan apan gideklara nga patay pagka-ala 1:00 sa hapon pinaagi ni Dr. Libert Tadlas gumikan sa “Hypobolenic Shock Secondary to Multiple Gun Shoot Wounds.
Naglusad og hot pursuit operation ug follow up investigastion ang otoridad aron masuta ang motibo sa pagpamusil.
