Davao City – Mireklamo sa buhatan sa Talomo ang Incumbent brgy. captain sa Brgy. 76-A, Bucana ning syudad human siya gihulga sa iyang kaatbang nga kandidato karong Brgy. ug SK elections.
Base sa report sa Talomo PNP, nagpatala si Kapitan Rolando Trio Trajera ug buot niya ireklamo ang kandidato sa pagka kapitan sa nasangpit nga brgy nga si Ilumberto Olan Olan diin sumala pa sa sumbong ni Trajera nga upat na kuno ka adlaw nga ginasundan siya sa mga armadong tawo ug gina bahis-bahisan siya sa mga single nga motorsiklo.
Kagahapon sa buntag, gihunongan kuno siya sa usa ka itom nga pick up nga nga matud ni Trajera gituohang gipanag-iyahan kini ni Olan Olan.
Dugang niini, adunay matud pa tulo ka mga armadong kalalakin-an ang misulti kaniya nga tumbahon siya karong May 14 election.
Tungod sa maong mga hulga nga wala gikaangay ni Trajera, dali siyang nagpatala sa Talomo PNP.
RadyoMaN Paul Canono
