Davao city – Patabangon sa Police Regional Office XI ang mga kapitan sa Barangay sa syudad sa Dabaw sa kampanya kontra kriminalidad.
Kini ang hagit ni PRO 11 Director Chief Superintendent Manuel Gaerlan sa mga barangay kapitan nga mi-tambong sa Crime Prevention Summit nga gilusad sa usa ka hotel sa dakbayan kagahapong adlawa.
Gipasabot ni Gaerlan nga limitado lamang ang puwersa sa kapulisan busa mahinungdanon ang tabang sa mga opisyales sa Barangay diha sa pagsumpo sa kriminalidad.
Ning kasamtangan, ang Davao City Police Office kun DCPO dunay 1,500 ka ginsakpan lakip na ang mga nadestino sa dose ka istasyonan sa kapulisan nga maoy nagbantay sa dul-an dos milyones ka dabawenyo.
Pormal sab gilunsad ni DCPO City Director Police Senior Superintendent Alexander Tagum ang Oplan Iron Fortress isip kabahin sa kampanya kontra kriminalidad kagahapong adlawa.
RadyoMan Joel Viray
