Siayan, ZDN- Usa pud ka brgy. Kapitan ang gihunusan sa iyahang hinulamang kinabuhi human kini gipusil kagahapon, sa hapon.
Naila ang kapitan nga si Venicer Marindoque, kasamtangang kapitan sa brgy. Mangilay, Siayan, ZDN.
Sa pasiunang impormasyon nga nakalap, gikan matod pa kini sa usa ka meeting ug padulong na kining mo pauli sa dihang kalit lang gipaarakan sa sunod-sunod nga buto sa armas didto sa may brgy. Gunyan, Siayan.
Hinungdan nga naka angkon kini ug dili mo ubos sa upat ka bala matod pa ang naangkon nga samad sa lawas.
Dead on arrival sa balay tambalan si kapitan Venicer, sa dihang gisulayan kini pagdala sa ospital.
Naghimo na ug makuti nga imbistigasyon ang kapulisan sa Siayan sa pagpanguna ni PCPT JOEL CASTILLO ADAJAR, ang OIC chief of Police sa mao nga lunngsod.
Matod pa kini nga kapitan, adunay gi suportahan nga dakong pangalan sa pulitiko dinhi sa probinsya sa miaging piniliay.
Pero, wala pa gikabutyag kun may kalambigitan ba kini sa pulitika ang iyang kamatayon kun dili bugtong kapulisan lang makapamatuod human sa ilang pagahimoon nga imbistigasyon.
Kagahapong adlawa sa gihimong hot pursuit operation sa pnp Siayan, human sa nahitabong pagpusil patay kang kapitan Marindoque, adunay duha ka indibidwal ang nasikop didto sa may barangay Dicoyong, Sindangan, ZDN.
Butyag ni PCpt. Adajar nga sa dihang ila kining gilakag, ug didto nila naapsan sa Brgy. Dicoyong ang usa ka XRM motor kolor itom nga mao kadto ang gi suspetsahan nga gisakyan sa mga kriminal.
Gikompirma usab kini ni incoming Siayan Mayor Atty. Josecor Gepolongca, gani gi apil pag sikop si Ernie lumocso human nakuhaan ug armas sa dihang gikapkapan kini sa kapulisan.
Kahinumduman kini si Ernie Lumocso, apil sa gikasuhan uban ni Mayor Flora ViIlarosa may kalabutan sa pagpatay kang Restituto Sasuman, pero ang mao nga kaso ang na dismiss ra usab tungod kay walay saktong ebidensya.
Sa pagkakaron ang mga dinakpan anaa na sa lock-up cell sa Siayan alang sa dugang imbistigasyon.
