Kapitan sang Brgy.19 upod sa tatlo ka empleyado sa syudad sang Bacolod ginpasakaan sang kaso angut sa anomaliya sa SAP

22

Ginpasaka na sang Criminal Investigation ang Detection Group (CIDG) ang kaso sa pagbayolar sang R.A 6713 ukon “Code of Conduct and Ethical Standards for Public Officials and Employees”, R.A 3019 ukon “Anti-Graft and Corrupt Practices Act” kag R.A 11469 ukon “Bayanihan to Heal as One Act” batuk sa Punong Barangay sang Barangay 19 syudad sang Bacolod kag tatlo ka mga empleyado sini.

Ginkilala ang mga ginpasakaan sang kaso nga amo sanday; Punong Barangay Kim Piramo, Barangay Secretary Joemarie Cordeta, Bragy. Treasurer Raiza Fronda kag ang Brgy. Nutrition Scholar (BNS) nga si Jean Doromal.


Suno sa hepe sang CIDG-Bacolod nga si Chief Master Sergeant Ramiro Gocotamo, base sa alegasyon sang mga tag-reklamo nga nagpadulong sa iya talatapan, may mga benepisyaryo sang Social Amelioration Program nga naga-istar sa isa lang ka balay apang tatlo sa mga ini ang nakabaton sang ayuda.

May duha man ka tawo ang nakakuha sang ayuda nga tig-sies mil (P6,000) nga indi residente kag botante sang nasambit nga barangay.

Ang Brgy. 19 nga mga opisyales ang ikaduha matapos una nga ginpasakaan sang kaso ang Brgy. Felisa sa syudad sang Bacolod angut sa alegasyon anomaliya sa SAP.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments