Unang nasikop mao si Barangay Crossing Bayabas Kapitan German “Nognog” Catague ala 1:30 sa hapon human kini aktong nasapon nga nagdagkot og sigarilyo sulod sa Magsaysay Park, human nakuhaan pa og hulagway (picture) sa Enforcer nga si Gina Villamente ang pagsigarilyo niini.
Pipila ka gutlo nakalabay, nadakpan usab sa AVRU Enforcer ang usa ka Aspirant Barangay Candidate nga nanigarilyo, samtang nag-andam sa iyang Certificate Of Candidacy (COC) nga i-duso sa COMELEC human nakuhaan og ebidensya.
Ang duha pareho gi-isyohan og citation ticket nga dunay multa nga P1K ug kung dili nila mabayran ang multa sulod sa tulo ka adlaw, mapugos ang AVRU sa pag-blotter ug pagduso og kaso batok sa mga dinakpan.
Gipasabot ni Villamente, walay gitaganang smoking area sulod sa Magsaysay Park, sa rason nga usa kini ka pampublikong lugar.
Pahinumdum ni Villamente sa tanang mag-file of COC nga likayanmang pagsigarilyo sulod sa Magsaysay Park aron dili mamultahan, subay sa Anti-Smoking Ordinance sa syudad sa Davao.
RadyoMaN Joel Viray
