Kapitolyo naglunsyar sang "Smoke Free Capitol Campaign"

17

ILOILO – Ginlunsyar sang Iloilo provincial government upod ang Provincial Health Office (PHO) ang “Smoke Free Capitol Campaign” kahapon sang aga, Setyembre 9.

Tinutuyo sini nga mahilway sa aso sang sigarilyo ang mga empleyado kag ang mga pumuluyo nga may transaksyon sa provincial capitol.


Suno kay Dr. Patricia Grace Trabado , hepe sang Provincial Health Office nga luyag nila nga mangin modelo ang kapitolyo probinsyal sa mga munisipyo kag sa iban pa guid nga government offices nga wala sang nagapanigarilyo sa pasilidad sang gobyerno.

Nahibaluan nga base sa record sang World Health Organization, 1.2 million ka tawo ang nagakapatay kada tuig bangud sa second hand smoke ukon ang paghaklo sang aso sang sigarilyo.

Nagpahayag naman sang suporta sa programa ang Association of Iloilo Provincial Government Employees (AIPGE) sa pagpamuno sang ila presidente nga si Jocil Mayor.

Photo via Balita Halin sa Kapitolyo


Facebook Comments

From Advertisers