General Santos City – Gibutyag karon ni Police Captain Brent Ian Salazar, hepe sa San Isidro Police Station nga aduna na silay persons of interest sa pagpamusil patay sa real estate broker nga si Evelyn Te kini human gapadayon sila sa ilahang gipalawmang imbestigasyon.
Dugang ni PCapt. Salazar, sa karon anaa sa proseso sila nga galikom og mga ebedensya ingon man pag-ila sa mga suspek sa krimen.
Saysay ni Salazar nga padayon usab ang pakig-alayon sa pamilyang Te ngadto sa kapolisan kung asa una na nilang natumbok nga motibo sa pagpusil patay sa broker mao ang personal grudge over land dispute.
Gani dili pa usab masulti sa kapolisan ang mga pangalan sa mga matawag nga suspek sa krimen.
Samtang, gikumpirma ni Salazar nga adunay dismissed cases ang biktima sa kasong estafa tungod sa real estate apan dili na matod kini utingkayon sa kapolisan.
Dugang saysay ni Salazar nga mosentro ang ilahang imbestigasyon sa murder case sa biktima.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: broker.jpg]
