Davao City – Nagpasidaan ang Hepe sa Talomo Police Station human nabinabi sa DXDC RMN Davao nga si Police Major Noel Villahermosa ngadto sa mga maglusad og drag racing mag-atubang kini og tukmang kaso kun madakpan sa ilang Area of Responsibility (AOR).
Segun ni Villahermosa, gibutangan na og mga Police ug Police Auxiliary matag gabii ang mga lugar nga posibleng magpahigayon og drag race apil na usab gipabantayan ang Diversion Road ning dakbayan.
Dugang ni Villahermosa, aduna nay na-identipika nga nalambigit sa drag race sa ilang (AOR) ug giadto na ang ilang pinuy-an ug gi-warningan na sa mga pulis.
“Atong gipa isturya og giwarningan if ever maghimo sya og ing-ana drag racing activity paylan nato og kaso”,sulti ni Villahermosa.
Gipasabot sa opisyal, kung adunay madakpan nga mag-drag race, mag-atubang og kasong Reckless Driving tungod gidili ang drag race sa mga pampublikong kadalanan.
RadyoMaN Don Pulayao
Facebook Comments
