Davao City – Nakandam na ang tanang mga billeting areas ug mga lugar diin himuon ang mga dula alang sa Davao Region Athletic Association (Davraa) Meet 2018.
Gipaneguro sa lokal nga panggamhanan sa dakbayan sa Davao nga tarong ug limpyo ang lugar diin mag-pondo ang mga atleta sa DAVRAA.
Segun ni Davao City Sports Development Office Head Michael Denton Aportadera adunay 12 kabuok ka mga headquarters ug dili muubos sa 25 ka mga playing venues alang sa kapin 7,000 ka mga partisipante sa nagkadaiyang sports activities.
“Nobody will be sleeping siguro sa mga karton nga ilang gisulti before and the playing venues amoa ng gihan-ay tanan even the access roads going to playing venues and the billeting areas we made sure nga limpyo ang surroundings even the addition of shower rooms, kusina, water supply, electricity sa mga sulod sa premises we have already augmented ” sumala ni Aportadera.
Nangabot na usab ang pipila ka mga bisita sugod niadtong Sabado partikular na mga taga-Davao del Norte ug Davao del Sur.
Matud ni Aportadera 85% na nga andam ang dakbayan sa DAVRAA diin karong Pebrero 18 na ang opening nga ipahigayon sa University of Mindanao.
RadyoMaN Aimee Guinita
