KAPOS SA KURYENTE | Ilang lugar sa Metro Manila at kalapit na lugar, nakaranas ng brown out

Manila, Philippines – Nakaranas ng power interruption ang ilang lugar sa Metro Manila at ilang kalapit lalawigan dahil sa kakulangan ng suplay ng kuryente.

Ayon sa MERALCO, 30 to 45 minutes ang naranasang interruption dahil sa hindi inaasahang plant outage.

Kabilang sa mga nakaranas ng power interruption ang mga bahagi ng Caloocan City; Quezon City; Antipolo City; Tondo, Paco, Pandacan, at Sampaloc, Maynila.

Nakaranas din ng 45 minutes na brown out sa Norzagaray, Malolos, Baliwag, San Jose Del Monte sa Bulacan; at Batangas City.