Pagadian City – ANDAM na ang tropa sa Pagadian City Police Station sa paghatag seguridad sa katawhan nga mobisita sa mga sementeryo sa syudad karong Adlaw sa mga Santos ug Adlaw sa mga kalag.
Sa interview sa RMN-Pagadian kang Police Lt. Col. Alvin Saguban, gisulti sa hepe nga hitsas na ang mga pulis nga ipakatag sa lain-laing sementeryo gani butang usab sila og mga Police Assistant Desk.
Gidid-an usab sa kapulisan ang katawhan sa pagdala sa mga mahait nga hinagiban, armas, ilimnon nga makahubog ug mga subra ka banha nga sound system nga makabalda sa mga indibidwal sa mga nihalad og mga pag-ampo.
Apan kini nga laraw hingit lang matuman kun mopagawas og kamanduan ang konseho ning syudad o ang pagpagawas og executive order ni Pagadian City Mayor Sammy Co.
Lakip nga bantayan sa otoridad ang mga Bus Terminals kauban ang element sa Explosive Ordnance Disposal Team gikan sa rehiyon.
Gi-awhag ni Saguban nga magbinantayon aron dili mabiktima sa lain-laing modus gikan sa mga tawo nga mosakay higayon.
