Davao City- Andam kanunay ang kapulisan sa padayong pagbantay sa seguridad sa dakbayan sa Dabaw ilabi na karong adlawa diin ipahigayon ni Davao City Mayor Inday Sara Duterte-Carpio ang iyang unang State of the City Address kun SOCA.
Sa interview sa DXDC RMN Davao kang Davao City Police Office kun DCPO spokesperson Police Senior Inspector Maria Teresita Gaspan, gisulti niini nga daghang kapulisan ang nakapalibot ug nagbantay sa nagkadaiyang bahin dinhi sa syudad.
“Maximum deployment gihapon sa tanang personnel sa tibuok Davao City especially sa places of convergence,” segun ni Gaspan.
Himuon karong alas 10 sa buntag sa Davao City Hall ang unang SOCA sa Mayor.
Kasamang Renelyn Barbarona
Facebook Comments
