Davao City – Heightened security ang gipatuman karon sa atong kapulisan sa rehiyon mientras oras na lamang ang atong gihulat diin hinumdumon pag-usab sa katawhan ang adlaw sa mga minatay.
Sa usaka media interview, gisugilon ni Police Regional Office (PRO-XI) spokesperson Chief Inspector Andrea Dela Cerna nga samtang walay ‘direct threats’ nga nadawat ang Region XI, gipakatag lamang sa gihapon sa kapulisan ang igong gidaghanun sa mga awtoridad aron i-secure ang tanang mga pampublikong dapit ilabi na ang nagkadaiyang mga sementeryo.
Hugot usab ang gilusad nga intelligence and counter-intelligence –gathering sa atong kapulisan haron mapugngan ang mga dautang insidente una pa man kini mahitabo nga modaut unya sa atong kalinaw ug seguridad, matud ni Dela Cerna.
Nagpahinumdom usab ang tigpamaba sa PRO-XI ngadto sa mga mga motorista nga memoryahon kanunay ang ‘BLOWBAGETS’ kun i-check-up gayud ang mosunod una pa man mobyahe alang sa Undas: Battery, light, oil, water, brakes, air, gas, engines, tools ug ‘self’ kun ang kondisyon sa driver mismo.
RadyoMan June Duterte
