Sa interview sa DXDC RMN Davao kang Police Major Ariel Pascual, ang hepe sa Maragusan MPS, iyang gibutyag nga nagpadayon pa ang ilang pagpanubay og dugang ebidensya ug dokumento alang sa kasulbaran sa kaso.
Gitin-aw sa opisyal nga napasa na nila sa hingtungdan ang eksaminasyon resulta sa imbestigasyon ug gihulat na lang ang resulta niini.
Kini human mikatag sa social media nga miingon matud pa ang nag-otopsiya nga mao kato ang pinakasakit nga kamatayon tungod sa mga nakita nilang pagkagisi sa kinatawo ug giingong pagkabali-bali sa lawas sa mga bata.
“Ayaw gyud mo og tuo ana ma’am. Mas maayong sa amoa ra gyud mo mutuo kay ang kaso man gud karon on-going pa man. Yang mga fake news diyan, wag niyong pakigtiwalaan na. Mas maayong diria mo sa amoa mu-direct. Di nato control na [autopsy report] kay didto mana direct sa higher office, sa SOCO. Gi-require man gyud nato kung asa mapadali para matagaan dayon og hustisya ang biktima,” matud ni Pascual.
RadyoMan Ivy Parido
