Davao City- Ginasubay karon sa Talomo Police Station ang nibilin sa pick-up trucksa bag-ong himugsong bata nga gisulod og eco-bag sa SGR Village, Brgy. Catalunan Grande, Davao City niadtong Lunes, August 28, 2023.
Sa interbyu sa DXDC RMN Davao kang Police Major Rosario Aguilar, Talomo Police Station Commander, nga tataw nga intensyunal ang pagabandona sa bata.
Giimbestigahan pa sa kapulisan kung mismong ang inahan ang nibilin o adunay gisugo nga laing tawo.
“Ang usa sa mga personahe nga gibinlan is naa siya’y medical background nga ginatan-aw nato nga posibleng naay ideya ang nagbilin nga kung ibilin niya didto sa tagtungod maluwas ang bata kay naay medical background,” segun ni Aguilar.
Luwas usab ang new born baby boy nga anaa karon sa Southern Philippines Medical Center.
Mag-atubang gayod og kaso ang inahan o kinsa man ang responsableng niabandona sa maong bata.
RadyoMaN Aimee Guinita
Facebook Comments
