Davao City – Gi-discourage sa Davao City Police Office ( DCPO) ang kapulisan nga mu-invest sa mga organisasyong gikonsiderang scams sa Securities and Exchange Commission kun SEC ang Kapa Community Ministry International, Inc. ug ALMAMICO (Alabel Maasim Small Scale Mining Cooperative).
Matud ni DCPO spokesperson PSI Ma. Theresita Gaspan nga suportado sa DCPO ang pronouncement sa City Government sa Davao batok niini.
Segun ni Gaspan nga walay namonitor nila nga sakop sa DCPO nga nahilambigit niini.
“Dugay na nato na gina-discourage in fact daghang mga pulis ang nabiktima atong mga pyramid scheme, lesson learned na rin iyon so I think it’s their own disgression kung tan-aw nila gusto sila magpailad pero kung mahimo i-invest sa sakto nga pamaagi ang ilahang kwarta,” sumala ni Gaspan.
Samtang abli usab sila nga mudawat og reklamo kalabot niining mga investment scams aron maimbestigahan kini ug ilahang maasister sa pagduso og kaso.
RadyoMaN Aimee Guinita
