Ang maong balita miani og daghang komento sa social media diin pipila ka mga netizens nabalaka tungod kinsa matud pa ilang masampit sa panahon nga adunay disgrasya o krimen sa palibot.
Sumala pa sa dabawenyang si Christelle Glenogo nga asawa og police nga usa kini ka maayong desisyon aron sila mahatagan og panahon nga makompleto sa holiday season.
Dugang pa nga magbinantayon nalang gyud ug mahimong pulis sa kaugalingon aron luwas sa bisan unsa mang krimen atol sa selebrasyon.
Giklaro sa PNP nga adunay kondisyon ang pag-avail sa maong break.
Butyag ni PNP Public Information Office Chief PCol. Jean Fajardo nga mamahimo lamang muoli ang mga pulis gikan alas-5 sa hapon sa December 24 ug December 31.
Giawhag gihapon sila nga mu-report sa mga police stations nga duol sa ilaha aron masigurong daling makaresponde kung ugaling adunay mahitabong kinahanglan og abtik nga aksyon.
Gipahimangnoan usab ang kapulisan nga sila matanggal sa pwesto kung sila mapamatud-ang nagpakahubog ug naggamit og armas atol sa pagsugat sa pasko ug bag-ong tuig
RadyoMaN Ivy Parido
