MOISES PADILLA, NEGROS OCCIDENTAL- May yara na sang persons of interest ang Moises Padilla Municipal Police Station sa pagtiro sang isa ka small planter las-8:50 sang gab-i, Marso 11 sa Brgy. Inolingan.
Sa interview sang DYHB kay Police Captain Randy Babor, hepe sang Moises Padilla Municipal Station, nagapadayon pa ang ila imbestigasyon sa pagtiro kay Rusty Sumer, 27-anyos apang away sa duta ang isa ginalantaw nga motibo sa krimen. Ginalantaw man sang hepe ang anggulo nga may nakaaway ang pamilya sang biktima.
Madumduman nga nagasakay sa iya motorsiklo ang biktima kag pauli na kuntani sang ini ang ginluthang sa Hacienda Tres Corazones.
Ginluthang ang biktima gamit ang caliber 45 pistol kag nakaangkon ini sang madamo nga igo sa lawas nga gintunaan sang iya kamatayon. Nakarekober naman sa crime scene ang apat ka fired cartridges sang caliber 45 pistol, sling bag, cellphone kag nanari-sari nga mga IDs.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
