Sa interview sa DXDC RMN Davao kang Police Executive Master Sergeant (PEMS) Eduardo Dabalo, Desk Officer sa Lupon Municipal Police Station (MPS), iyang gibutyag nga anaa na sa duha ka mga tag-iya og pribadong establisemento ang nagpatabang kanila tungod sa mga tawo nga migamit og fake money sama sa P1000, P200, ug P100 sa pagpalit sa ilang tindahan.
Matud ni Dabalo nga padayon kining giimbestigahan ug ginasuta usab ang mga closed-circuit television (CCTV) camera nga posibleng makatabang sa pag-ila sa mga responsable sa maong iligal nga binuhatan.
“Gi-refer pud nato sa atong invest/intel (ang mga insidente) basin naa pa ‘tay makuha nga mga impormasyon pa dugang ani para (maila) ning mga tawhana kinsa gyud ni,” matud ni Dabalo.
Una niini, nag-post ang Lupon MPS sa ilang Facebook page, pagpahimangno sa ilang mga residente nga magmabinantayon sa mga transaksyon gamit ang peke nga kwarta ilabi na nga nagkaduol na ang Yuletide season.
RadyoMaN Kirby Manzon
