Davao City – Nagpahigayon og pagmonitor ang kapulisan sa Bunawan kagahapon hangtod karon sa duha ka mga sapa sa Ilang ug Bunawan River sa pagpanguna ni Police Chief Inspector Estrello Ramiso, hepe sa Bunawan PNP.
Matud ni Ramiso nga ilang ginamonitor ang duha ka mga sapa kung duna bay pagsaka sa lebel sa tubig human nakasinati ang Bunawan og kusog nga pag-ulan.
Subling gi-awhag ni Ramiso ang tanan mga nagpuyo daplin sa kasapaan nga dili magkompiyansa sa duha ka mga sapa gumikan posibleng mosaka ang tubig rason sa pagbaha.
Kahinumdoman nga ang Ilang ug Bunawan River nakasinati na sa milabayng bulan og kusog nga pagbaha diin nihikling ang mga residente human nihapak ang bagyong ‘Vinta’ ug ‘Agaton’ sa Visayas ug Mindanao nga nagdala og damyos.
RadyoMaN Don Pulayao
