Pagadian City, Zamboanga del Sur – Ang Police Regional Office (PRO-9) pinaagi sa Regional Investigation Detection and Management Division mimando nga magbaton ang tanang Provincial ug City Police Station og Indigenous People ( IP) desk.
Sa IP Desk dunay nakaplasta nga police officer nga maoy gitahasan sa pag-akatar sa mga modangap nga IP member.
Gumikan sa maong mando ang Zamboanga del Sur, Zamboanga Sibugay ug Zambaonga del Norte Police Provincial Office nagmontar na sa mga IP Desk sugod karung bulana.
Sama sa human rights desk ug women’s and children protection desk , ang IP desk maoy responsable sa pagprotekta ug pagpaabante sa interest sa mga Indigenous people ilabina na natad sa pagtoo, kustombre ug tradisyon.
Ang pagbaton sa IP desk inisyatibo ni Pcsupt. Billy Beltran arun matubag ang mga isyu, mulo ug reklamo sa mga indigenous People nga nagtandug sa ilang baruganan.
