Nagpahimangno karon ang kapulisan dinhi sa dakbayan dipolog nga batasanong alerto sa kanunay aron nga dili mahatagan ug kahiyonan ang mga kawatan.
Alang sa katawhang dipolognon kinahanglan nga bantayan ang kasagaran nga buhaton sa mga kawatan, mao kini ang mga mosunod: una, mosulod sa wala naka kandado nga purtahan, walay grills nga bintana ug uban pa; moataki sa alanganin nga oras sa kadlawon; kuhaaon ang mga de kantidad nga mga butang sama sa alahas, kwarta ug mga gadgets; magpa sumangil nga ahente ug daghan pa nga pamaagi nga buhaton aron makahigayon sa pagpangawat.
Gi awhag karon sa kapulisan nga kinahanglan adunay contact number sa pulis ang katawhan aron dali nga makatawag sa mga tinugyanan sa balaod kun ugaling adunay mga kadudahang tawo o mga balhiboon ug kamot.
Gawas niina hugot sab ang seguridad sa kapulisan ning dakbayan tungod kay mag saulog ang probinsya sa ika 67 na katuig sa probinsya ug lauman nga daghang mga dumoduong ning maong aktibidad.
