Walay hunong karon ang kapulisan dinhi sa Zamboanga del norte sa pagpanghatag ug mga flyers may kalabutan sa pagbantay ug pag-ila sa klase sa bomba.
Gitawag kini ug UXO (Unexploded Ordinance ) o bombang palso, ang UXO usa kini ka kuyaw tungod kay bisan unsang oras pwedeng mobusikad ug wala kini expiration.
Target sa mga kapulisan nga edukaron ang katawhang Zanortehanon aron makabantay ug makaila kun bomba ba ang usa ka butang tungod kay adunay nahitabo kaniadto didto sa may 3rd district sa dihang ilang nakalutan nag tuo sila nga basin adunay bulawan apan sa dihang gi ablihan kalit kining mibusikad nga kung diin adunay namatay ug nangaangol.
Lakip usab nga gipahinumduman sa kapulisan nga magbinantayon usab ang katawhan ilabi na sa mga butang nga anaa diha gibutang sa pampublikong lugar.
Samtang sa laing bahin, padayon pud ang pakigbatok sa guinadiling droga sa kapulisan ning probinsya, ilabi na nga bisan adunay mga barangay nga gideklarang drug cleared ug drug free pero aduna gihapon mga indibidwal ang masikop sama sa pagpayuhot ug pag gamit sa guinadiling droga.
