Tukuran, Zamboanga del Sur – Pabiling nakaalerto ang kapulisan human gidagit sa upat ka armadong kalalakin-an ang usa ka British national nga negosyante ug asawa niini kagabii sa mismong gipanag-iyahan nilang Beach resort sa Brgy. Alindahaw, Tukuran, Zamboanga del Sur.
Giila sa kapulisan ang biktima nga sila si Allan Arthur Hyrons, 70-anyos ug Welma Paglinawan Hyrons.
Pugsanong gidala ug gisakay sa motor banca sa mga kidnappers ang mga biktima alas 6:50 sa gabii samtang pana-og kini gikan sa ilang sakyanan.
Daling nisibat ang mga suspek paingon sa kadagatan sa syudad sa Pagadian ug probinsya sa Lanao del Norte.
Ang Philippine National Police, Armed Forces of the Philippines naghot pursuit operations alang pagdakop ug pagtumbok sa gitaguan sa mga kidnappers.
