Plano karon ni Konsehal / RadyoMaN Zaldy Ocon sa dxCC-RMN Cagayan de Oro nga matagaan og award ang kapulisan sa syudad nga nakasikop sa tulo ka mga suspek sa pagpangawat og motorsiklo.
Kini iyang gipadayag sa programang Straight to the Point-Kuskos Batikos sa dxCC human malampusong nasikop sa kapulisan sa Carmen silang Randy Asilan, 21 anyos ug ang magsuong Robert, 24 anyos ug Sunny Sundulan, 27 anyos nga taga Sitio Dagundalon, Talakag, Bukidnon.
Mahinumduman nga miduol usab ang tag-iya sa motorsiklo nga si Bob Belarmino dinhi sa dxCC-RMN aron matabangan nga daling ma follow-up sa kapulisan ang maong insedente.
Facebook Comments
