Ha gindumara nga Simultaneous Multi Agency Send-off ceremony yan ang adlaw ha Police Regional Office 8, pinaka damo nga kapulisan an igpapasarang ha Northern Samar, Samar ngan Leyte.
832 dinhi an igpapadara ha Northern Samar, 603 ha Samar, 570 ha Leyte, 209 ha Ormoc City, 131 ha Eastern Samar, 123 ha Tacloban City, 103 ha Southern Leyte ngan 93 ha Biliran.
Samtang, nagpadara na gihapon an Philippine Army hin kasundalohan nga magbabantay ha eleksyon partikular na ha ika-tulo nga distrito han Leyte kun diin sunod-sunod an insidente han panmusil.
Sumala kan PLt. Col Charlie Saclot, Battalion Commander han 93rd Infantry Battalion, Philippine Army, maabot ha 72 o siyam ka squad han kasundalohan an ginpasarang na yana ha mga bungto ha nasabi nga distrito agud magbantay yana nga tiarabot nga piniliay.
Ha datos han kapulisan tinikangan ha August 28 tubtub October 22, 2023 , duha na an kompirmado nga election related incident ha Eastern Visayas.
115 dinhi an mga naaresto nga nagtalapas han balaod han COMELEC, 38 nga pusil, 84 nga deadly weapon, ngan 373 nga kontrabando naman an nakompiskar. Via Justine Traya (📷Police Regional Office VIII)
