Roxas City, Capiz – Padayon ang imbestigasyon sang mga kapulisan sa Roxas City PNP angut sa insidente sang pagsulod sang mga kawatan sa poluy-an sang anak ni former Capiz Governor Tony del Rosario.
Nahibaluan nga base sa rekord sang mga kapulisan, nagalab-ot sa P2.5 million pesos nga balor sang mga alahas gikan sa poluy-an ni Suzanne del Rosario-Ignacio nga nahamtang sa Barangay Tanza, Roxas City.
Ginkakibot sang biktima kag mister sini sang na-abtan nga bukas ang gate sang ila poluy-an kun sa diin ila nakit-an sa ulihi nga naga-ukay ang pila nila ka mga kagamitan sa sulod sang balay.
Sa pagsulod sang mag-asawa sa ila hulot, didto nadiskubrehan nga bukas na ang safe box kun sa diin nakabutang ang mga alahas sini nga ginabanta nagabalor sang P2.5 million pesos.
Gintaban man sang kawatan ang mga bankbooks, tseke kag iban pa nga importante nga gamit nga nabutang sa bag.
Base sa imbestigasyon sang kapulisan, ginsiling ni Police Master Sargeant Ramil Arcangeles may yara na sang ginasunod nga mga person of interest ang mga otoridad samtang wala man nila ginadula ang anggulo nga kabisado sang mga kawatan ang paguha-pasulod sa amo nga poluy-an.
