CAGAYAN DE ORO – Andam ang kapolisan sa Cagayan de Oro sa pagdawat kang Iligan City Mayor Celso Regencia kon ugaling ibalhin man ang pagdetain niini sa Misamis Oriental Provincial Jail kon M-O-P-J.Sa interview sa dxCC-RMN gibutyag ni P-N-P Reg. 10 Spokesman Police Supt. Surky Sereñas nga sa karon naghulat lamang sila sa kalamboan sa maong plano.Matud ni Sereñas nga ang B-J-M-P maoy gitahasan sa pagpatuman niini nga kamandoan sa korte diin kung mahinayon ang maong pagbalhin andam usab ang kapolisan sa Region 10 sa pagbantay sa convoy ni Mayor Regencia kon ugaling ibalhin kini gikan sa Iligan City.Gipasabot ni Sereñas nga ang linya lamang sa negotiating team ang nakahibalo kon kanus-a kini ipatuman o ang pagbalhin tungod kay duna pa silay mga gikonsiderar nga mga butang.Kini ilabina sa kampo sa Mayor ug sa receiving facility particular na sa M-O-P-J nga una nang mibalibad tungod sa kagamay sa ilang pasilidad ug dili andam alang sa mga high profile personality.
