Davao City- Nakadoble alerto ang Police Regional Office XI sa pagsugat sa Bag-ong Tuig.
Sa interbyu sa RMN Davao kang Police Major Eudisan Gultiano, PRO 11 spokesperson, nakalatag na ang seguridad sa tanang syudad ug probinsya sa Davao Region.
Mas daghang pulis ang gi-deploy ug nakabantay sa bus terminal, airport, pantalan, simbahan, parke ug malls diin dagsa ang mga tawo.
Gipaigmat sa kapulisan ang publiko batok sa mga kawatang musiaw ug i-report gilayon kanila kung adunay mga insidente.
Gimanduan ang tanang mga provincial directors ug station commanders nga bantayang masunod sa matag Local Government Units (LGU) diin gitugot ang firecrackers ug sa katawhan nga sa mga designated firecracker zone kun area lang magpabuto ug ang mga gitugot ra nga mga pabuto ang gamiton.
RadyoMaN Aimee Guinita
Facebook Comments
