Davao City- Wala mahinayon ang pag-koral sa iladong construction company sa usa ka propyedad saSunflower St., Ecoland, Brgy. 76-A ning syudad kagahapong adlawa tungod sa niulbong kasamok tali mga residente.
Matud kang Police Major Noel Villahermosa, Ecoland Police Station Commander, dali nila kining girespondehan aron dili na mugrabe pa ang tensyon.
Gisaysay ni Villahermosa, gipangayuan nila og fencing permit ang maong kumpanya kung aduna kiniy basehan sa ilahang aktibidad apan ang permit nga ilahang napakita niadto pa kining 2016.
Karong adlawa gikatakdang muadto ang Davao City Engineers Office aron husayon usab ang kasamok.
Nag-deploy og mga pulis si Villahermosa sa aron mubantay sa seguridad ug mamentenar ang kahapsay sa giilugang propyedad.
RadyoMaN Aimee Guinita
Facebook Comments
