Kapulisan sa Iligan aduna nay gimugnang Security Plan alang sa pagsugod sa kampanya sa lokal nga mga kandidato sa dakbayan sa Iligan

Aduna nay gimugnang security plan ang Iligan City Police Office alang sa umaabot nga pagsugod sa Campaign Period alang sa mga lokal nga kandidato.

Kini mao’y gibutyag ni PNP Deputy City Director for Operation Police Senior Superintendent Ramil Lluisma atol sa gipahigayong Candidates Briefing ug Orientation.

Matud ni Lluisma nga nakahan-ay na ang ilag ipatumang seguridad sa pagsigurong hapsay ug malinawon ang kinatibuk-ang mga adlaw ug bulan sa umaabot nga pinili-ay.

Gani, gipasalig usab ni Lluisma nga lakip sa ilang bantayan ang buhatan sa Comelec aron masiguro nga luwas ang mga gamit sa election ug dili kini mamahimong magamit sa dautan nga buhat.