Kapulisan sa Iligan naglaraw nga magpahigayon ug unity walk ingon man covenant signing alang sa mga kandidato sa umaabot nga bulan sa Marso

Didto na sa katapusang bahin sa bulan sa Marso ipahigayon ang Unity Walk ug Peace Covenant Signing nga gilaraw sa kapulisan alang sa tanang mga kandidato sa umaabot nga eleksyon dinhi sa dakbayan sa Iligan.
  Gibutyag ni PNP Spokesperson Police Chief Inspector Jovanie Cabusas nga nasabutan sa kapulisan ug Commission on Elections o (Comelec) nga ipahigayon ang maong kalihukan sa dili pa magsugod ang campaign period sa lokal nga mga kandidato karong Marso 29, 2019.  
Tinguha sa kapulisan nga mapahigayon ang maong kalihukan aron mohatag og kasiguruhan ang tanang mga kandidato nga magtinabangay aron magmalinawon ang ipahigayon nga kampanya ug ang tibuok election period.