Blanko pa gihapon hangtod sa pagka karon ang kapulisan sa lungsod sa Liloy may kalabot sa nahitabong pagpamusil sa lungsod sa Liloy niadtong naka labayng huwebes, petsa 5, 2018.
Didto kini nahitabo sa may Brgy. Baybay, Liloy bandang 11:00PM nga kung diin dali usab kining gi respondehan sa mga sakop sa PNP.
Sa nahipos nga impormasyon sa kapulisan sa maong lungsod Liloy sa ilang paghidangat sa lugar nahitaboan ilang nakita ang usa ka lalaki nga naglingkod sa kilid sa dalan ug aduna kini samad pinusilan sa iyang walang habin sa paa.
Ang maong biktima mao si Larry Bulak Baylon, 24 anyos, residente sa Mabuhay, Liloy.
Dugang nasayran nga ang biktima uban sa iyang barkada nga wala naila nagbaklay kini sa may dalang nasyunal brgy. Baybay ug gituohan nga gigamhan kini sa ilimnong makahubog, niadtong higayuna naka hinagbo kini sila ug laing grupo ug sa wala madugay miresulta kini sa kagubot.
Matod pa ang grupo sa biktima ang unang mihimo sa kasamok pinaagi sa paglabay sa bato sa pikas grupo. Atol sa maong kagubot usa ka masipa nga buto sa armas ang nadungog hinungdan nga nagka tibulaag na ang grupo.
Sa pagkakaron ang biktima padayon pa kining nagpaalim sa iyang samad pinusilan samtang ang mga tinugyanan sa balaod sa Liloy padayon usab ilang pagpangita sa mihimo sa pagpamusil aron manubag sa salaod nga ilang nabuhat.
