Wala pa’y matudlo pa nga suspek ang kapulisan sa lungsod sa Sibuco may kalabutan kini sa nahitabong pagpamusil niadtong adlawng huwebes bandang 2:00PM kapin kun kulang.
Nahitabo kini sa may Sitio Komonokid, Brgy. Cusipan, sakop sa lungsod sa Sibuco.
Ang biktima mao si Alvin B. Musad, 23 anyos residente kini sa may Sitio Munatalaki, Brgy. Pangian, Sibuco.
Sa gihimong pag imbestiga sa kapulisan sa maong lungsod gipusil kini si Alvin samtang sakay sa motorsiklo uban sa iyang amahan nga si Boboy A. Musad, maayong pagkaigo sa tuong abaga sa biktima.
Butyag pa sa imbistigador nga si PO3 Joebert Arsula duha ka wala mailang responsable nga armado sa kalibre 45 sakay sa single motor.
Human sa panghitabo dali kining misibat padulong sa direksyon sa Brgy. Pangian, Sibuco human sa insidente.
Ang biktima dali kining gidala sa balay tamabalan partikular sa may Zamboanga Medical Hospital, Labuan dakbayan sa Zamboanga apan gideklara kining dead on arrival.
Sa pagkakaron padayon pa ang pagpangalap ug impormasyon sa PNP Sibuco aron sutaon kun unsay hinungdan sa maong pagpamusil patay sa biktimang si Alvin.
