Kapulisan sa Panabo blangko pa sa motibo sa pagpusil patay sa Barangay Kapitan

Davao City – Nanawagan ang kapulisan sa Panabo sa mga residente sa Barangay Datu Abdul, Panabo City sa nakakita sa nagpusil patay kang Brgy. Captain Elect Paul Saquian, alias “Epong” nga motabang sa mga awtoridad pinaagi sa paghatag og inpormasyon, aron matagaan og hustisya ang kamatayon sa kapitan, human gipusil sa wala mailhing suspect kagahapon sa hapon Nobyembre 7, 2023 sa Purok Mangga sa maong Barangay.

Sa interview sa DXDC RMN Davao kang Police Major Jun Bautista, acting Chief of Police sa Panabo City Police Station gisulti niya, padayong giimbestigahan sa kapulisan kung unsay motibo ug wala pay person of interest sa krimen.

Segun ni Bautista, gisusi usab nila sa crime scene ang kuha sa Close Circuit Television (CCTV) Camera aron mailhan ang mga suspetsado.

“Sa ngayon ini-imbistigahan pa po natin kasi hindi pa certain kung anong motibo, ongoing pa po ang investigation natin at wala pang person of interest.”,sulti ni Bautista.

Nahinabi usab sa DXDC News Team si Judith Gomez, iyaan sa biktima nga hustisya ang singgit sa pamilya ug panawagan niya sa kapulisan nga tutokan, aron madakpan ang mga suspect nga mipatay sa kapitan.

“Sa tinuod lang dako kaayo nga kadismaya, kami nga pamilya niya dako kaayo nga kawalan sa pamilya ni “Epong” ako dili ko ani ka expose pero sa nabal-an nako motabang sya kutob sa iyang makaya honest sya nga tawo sya ang among peace maker sa among pamilya”,sulti ni Gomez.

RadyoMaN Don Pulayao